حبل القبور بقلم ابوعمار المصرى

حـَــبــَـل الــقُـــبـــور

سور المدينة فى العيون
عالى
ويعلى تانى كل يوم
والقبور
ورا ألف ســور
بِـــتحــبــَل
كل يوم مَـيِّـت
لـَجـلِــن ما تنساش اللى فات
من ألف عام
لجلن ما تنساش الهموم
أصل الشوارع
خالية من ضِـلَ الشـجـــر
قطعوا الشجر
من صِـدر أحضان الرصيف
رصفوا السكك
باسفلت نوع فاخر
وعمدان الطريق عامية
خيالات مآتة عريانة
من غير هدوم
زمان ..
كل العصافير
كانت تقف ..
والسلك ما يكهربش
والنور يعشّش
فى جناحات الريش
والفجر لمَّـن يِـفتِـكِـر
ضَـىِّ النهار
كان يِـتكِـسف
فين راحت العصافير ؟؟
وليه النور
هجر ريشها ؟
وليه الضلمة
محتلة الرصيف والنور ؟
وليه لاسفلت مش شايف
ما بين رجليه ؟
وكل الناس ..ولا العميان
وخطوتهم
ما عارفة طريق
ولسة قبورنا مدفونة
لكن تِـحبـَـل
ودة ..ميت
شايل ميت...وبـِيـوصَّـل
وصَـبر يـصَـبَّـر الـصَـبـَّـار
ومُــر وطــافِــح الـحَــنضَــل
يا زرعة إيدنا يا حزينة
دة عيب الأرض
ولا البذرة والميَّــة ؟
زرعنا كتير
وزرعتنا
يا دوب تطلع تشوف الشمس
يرموها بألف سماد
وبـِـتـعَـجـِّـز
ويبقى العيب
لا عيب الأرض والبذرة ولا المية
أتلرى عيبنا مالينا
فـنـتـدّفـّـى بِـحَـطَـب التوت
فى عِـز البَـرد وف طوبة
ما دام ياما
حدفنا الشجرة بالطوبة
عشان التوت وطعم التوت
ولا نزلشى
وشجر التوت
بقى عِـمــدان ما بتشوفشى
ولما تيجى تحدفها
تنزل موت
ولسَّـة قبورنا ولادة
وزرعِــتـنـا
ما حِـبلِـتشى
بــقــلــــــم ا لــشــــــــــا عـــر
أ بـــو عــمــــــــا ر ا لــمــصـــــــــــر ى