جزء ثاني من... يا بلدنا يا ام النيل..... ارجو من حضراتكم القراءه والرد... ولكم جزيل الشكر....
وعرفت اني فيكي مش عزيز وحلمت اني امشي واسيبك
وسافرت ف حلمي وقابلت ف سفري ناس كتير زيي كانو برده حبينك.
وشوفت المغرمين فيكي واللي عدت عليهم سنين ونفسهم يرجعو ويمشو ف ميادينك
سبتهم ومشيت وقلت يمكن مش عرفينك.
وتعبت لما مشيت ولقيت مقابل تعبي المال بزياده
وقلت دا البحر بيحب الزياده
وعملت لنفسي عزوه لكن بطفح الدم
والدنيا ضحكت قوي وبدات انسي الهم
وفجأه وبدون مقدمات صحيت من الحلم.
وسمعت خبر سفينه اتحرقت وغرقانه
جايبه ولادك من سفر بعيد وكانت م الفراق تعبانه
وفراقهم مكنش بإديهم علشان
سبوكي من جوعهم
اتزلو فيكي زمان ودلوقتي مش قابله رجوعهم... علي رجلهم وللاسف رجعتيهم علي ضهورهم
وبدل ماكنتي تاخديهم ف حضنك....
دفنتيهم ف بطنك
ولحد هنا انتهي دورهم
رملتي ستاتهم ويتمتي اطفالهم وحلم سفري انكسر بعد ما شفت وشاف الجميع حالهم .......
وتمنهم كان فلوس ف صيغه معاش ليهم.
يا ريتك ادتيهم معاشك من الاول
ومكنوش سبوكي ولا هيبقي اسمك طردتيهم
ومكنتيش بلعتيهم ف بطنك ومكنتيش كلتيهم.
واللهي كانو هيجولك
بس كان هيبقي اسمك ف التراب سترتيهم......
وبعد اللي شفته منك
هضرب بفاسي ف بطنك
وهفلح واخضر طينك لان النهيبه
مش احسن مني علشان يفضلو نهبينك وسرقينك
وكان نفسي ترضي عني وانام ف
حضنك بعد التعب ف ارتاح
وابوسك بوسة رضا علي جبينك.
عمر مكرم سرحان...........شكرا
