جارى التحميل
استخدم زر ESC أو رجوع للعودة
خدعوك فقالوا
..................
و صفتوا الحب كتير و قلتوا عليه جميل
و انا رافضه كلامكوا و عندى الف دليل
نار الحب فى القلب تكوى ولا لسعه قنديل
لا ينفع معاها مرطب ولا حتى خل تقيل
الناس خلاص نسيت قواعد الحب الاصيل
فى لمح البصر القلب يطب و يحب و يميل
و ف لحظتها يبدأ الكدب و التمثيل
و هات يا اغانى و مواويل
وبعدين حبة زعل و يعمل فيها تقيل
ووراهم هجر و رحيل
و المخلص اللى يحب بضمير
دة بقى خارج التسعير
يشوف العذاب و يبات ذليل
و لسه بتقولوا الحب جميل ؟
............
عزة الشربينى
