أسلوب حياه
الغدر أصبح للأسف أسلوب حياه
والحقيقة بتنقتل والحلم تاه
وأنا من سنين بابحث
علي طوق النجاه
باغزل الضى بإيديه
لجل ما يبعت عزاه
يفتح طريق للتعبانين
الشمس هاجرت من هنا
والليل حزين ......
وأدي القلوب الطيبة
جرافتها أمواج المأسئ والأنين
فاحذر تبيع للنخاسين
أي حاجه من ملامحك
بكره راح يرفض يسامحك
حتي قلبك اللي كان دايما
بيعزف فوق شراينه النشيد
راح يعلن العصيان أكيد
وهيسألك .......
رضيت تكون كومبارس
ليه في المسرحيه
لجل ما تعيش كام
سنه من غير أذيه
بعت ليهم كل حاجه
حتى شرفك والحروف الأبجديه
شعر / عصام سامي ناجي
إلغاء إعجابي
