أنا يا ريت بقلم الشاعر علي الطاووس

أغنية /// أنا يا ريت
أنا يا ريت ما حبيت...
و لا قولت يا ليل يا عين...
ده هم و شجن فى سهر و لوع فى عز الليل...
و انا اللى كنت فاكر أنى حبيت...
و قلق و دموع و حزن فى مناديل...
و دول أنا منهم ذبلتى منى جفون العين...
و نفسي اللى حيرانه...
مش لاقيه ستاره...
تنزل على فراق الحبيب...
ده أنا يا ريتنى ما حبيت...
و لا حتى قولت يا ليل و يا عين...
و حبيبي عن بلوتى فى هواه...
مش دارى سايب أيه وراه...
لاء و أيه بينام طول الليل مرتاح البال...
و أنا أناجيه و أقوله تعالى...
فا يرد عليا بطرف عنيه...
أشاورله بوجدانى و أحساسي...
يحسسني أنى عمرى ما جيت فى باله ولا حتى شافنى بعنيه...
ده أنا يا ريتنى ما حبيت...
و لا حتى قولت يا ليل و يا عين...
و أبعتله أرسيه و أفكره و أهديه...
وأشرحله فى سهدى و عذابي...
و احلفله أنى و الله حبيته من سنين...
يرد عليا بمنديله كأنه بيقولى ده انت لسه ما طبيت...
و عنيه بتقولى ده الحب لسه فيه كتير...
و أنت لسه رجليك على الشط...
مش لما تغرق تبقى تصرخ و تقول و المصحف حبيت...
و برضه أنا مش ح أرد عليك...
أنا يا ريت ما حبيت...
و لا قولت يا ليل يا عين...
ده هم و شجن فى سهر و لوع فى عز الليل...
و انا اللى كنت فاكر أنى حبيت...
و قلق و دموع و حزن فى مناديل...
و دول أنا منهم ذبلتى منى جفون العين...
و نفسي اللى حيرانه...
مش لاقيه ستاره...
تنزل على فراق الحبيب...
مع تحيات شاعر الوجدان الشاعر السكندرى / على الطاووس