حبيب عينى
اه من حبه وناره
ومن اسوه لياليه
ومن عذابه ف نهاره
اللى غلبت اداريه...
كنت ابعت روحى
تسال عليه وتجينى
تطمن قلبى وتقولى
ان حبيب عينى
مش دارى بحبى
ولابخطر على باله
يسال يوم عنى
ويحبنى عقباله
لم قلبه ينشغل
ويسهر الليالى محتار
والحب يعذبه ويغلبه
ويبقى ليله نهار
زى ماقلبى انكوى
بحبه وهو ولادارى
باللى بقاسيه من حبه
وبعذابى ونارى
داانا بحبه حب اكبر
من خيالى وخياله
بس مش عارف هو
انا ليه مابخطرش
على باله
يامعذبنى فى حبك
بكره تشوف عذابه
لما قلبك يحب الحب
وتبقى من اهله واحبابه
دا الحب نار للى
منه محرومين
وجنه فرحه لاصحابه
ياترى الايام حتخلص
لى منه طارى
واشوفه بيحب بجد
وقلبه بيتعذب م
الحب وناره الليالى
ويجينى يقولى بحبك
ارحم حبيبى حالى
بس ساعتها قلبى
حيكون خلاص نسيه
ومش بيفكر ابدا فيه
والايام اللى جايه
حتغير كتير صدقونى
بس مستحيل انسى
حبه اللى نور عيونى
دا انا بحبه حب
ماحد حب زيه حب
حب يملا الدنيا فرحه
حب ينسينى الاحزان
حب ينسينى الدمعه
واسمى وروحى والمكان
يارب .. يارب .. يارب
ماتحكم علينا بالفراق
ولا يوم بالجراح
وخلى حياتنا سعاده
ونسينا اللى راح
واملا ايامنا هنا
وضحك وافراح
يارب .. يارب .. يارب
على الحب جمعنا
ولاتفرقناش عن بعضنا
دا احنا مالناش ف الدنيا
غير بعضنا
واملا بالحب قلوبنا
وزيد وكتر حبنا
يارب يارب يارب
كلمات
سيد صبيح
إلغاء إعجابي
