ياما دللتيني ...
قلـــم : ممـــدوح حـــنفي
..................................
ياما دللتينى ..
كتير ياعمرى هنتينى ..
ودللتينى
وبحلاوة نسيم الجنــه ..
ريحتينى
نهر حنانك فاض حنيه ..
ومنـــه يـاحيـــاة قـلـبى ..
روتينى
مرت الريح ..
وهزت الشجـــــــرة
وبكت البلابل ..
ومعاهم القمـرة
وقعدت عــ النجيله ..
أوشوش العصفورة ..
بصدق قافية الشعرا
لحـــن حياتى ..
بعـدها حـــزيــن
م العشا للفجـر ..
دمـوع و آنـــين
و النهار نار ..
و أفكار و إنتظار ..
آه و آه ..
من قسوة ظلم السنين
هواكى الدافى ..
فـ ضلوعى يتبسم
بعادك ..
خللـى دمـــوعى تستسلـــم
شـــوقى ليكى ..
أكبر الاشواق
تعـــالى ..
خللـــى قلـــوبنــا تسلـــم
ذكرياتنا معايا
فى كل صباح
وحكاياتنا قايدة
فـ قلبى مصباح
بتقـــــول
قلبى و قلبك حبايب
وعقلى من غيرك
تايه سـواح
فين الحب راح ..
عذبتينى
وحيد أنا بقسوتك ..
صدمتينى
ولو فى أحلامك ..
إفتكرينى
و إفتكرى ..
قد إيه دللتينى
أعجبني
