من اشعار محمد علي محمود نويشي ــ بمناسبة موسم الحج الي
بيت الله الحرام و عدنا الله و اياكم ــ وهي اغنية لحجاج بيت الله الحرام ــ بعنوان ــ
=========اسعي ياحاج الله يخليك ==========
اسعي يا حاج الله يخليك .. اصل المولي بيتباهي ... و الملايكة
بتحييك ... كل الدنيا فرحانة بيك .. اسعي ياحاج الله يخليك....
========== $$$$$$$$$$$$==============
رحت مكة ارض البيت ... و من زمزم كده اتوضيت ... و للركن كمان
خطيت ... و الكعبة كده لفيت ... و للاسعد يمينك مديت ... و عند
==== و عند الماّم و قفت وصليت ... و بالصفا مشيت و سعيت =
اسعي يا حاج الله يخليك .. اصل المولي بيتباهي ... و الملايكة
بتحييك ... كل الدنيا فرحانة بيك .. اسعي ياحاج الله يخليك ...
=========== $$$$$$$$$$$$=============
و فيوم عرفة و قفت هناك ... علي جبل الرحمة يا هناك ..........
والملايكة بتستناك ... و هناك جمعت الصلوات ...العصر مع الظهر
ياحضرات ...قصر و جمع علي الترتيب ... و عليه تليت القراّن.....
و يا سين و سورة الرحمن ... و دعيت المولي يا انسان ..........
اسعي يا حاج الله يخليك .. اصل المولي بيتباهي ... و الملايكة
بتحييك ... كل الدنيا فرحانة بيك .. اسعي ياحاج الله يخليك ...
========== $$$$$$$$$$$$$==============
و نزلت من عرفة فالليل... للمزدلفة لميت جمرات ...و انتظرت هباك
ساعات ... و من مزدلفة لمني علي طول ... و بها رميت الجمرات ...
========...علي ابليس سبعات سبعات... =========
اسعي يا حاج الله يخليك .. اصل المولي بيتباهي ... و الملايكة
بتحييك ... كل الدنيا فرحانة بيك .. اسعي ياحاج الله يخليك ...
======== $$$$$$$$$$$$$$===============
و افضت من عرفات للبيت ... للكعبة تاني و لفيت ... سبع اشواط
و اتهنيت ... و في المقام تاني صليت ... و الصفا مشيت و سعيت ...
...... و بعدين احرام حليت ...........بالشعر حلأت و اصيت ..........
========= ..... و جبرت الاعمال و فديت ...... ========
اسعي يا حاج الله يخليك .. اصل المولي بيتباهي ... و الملايكة
بتحييك ... كل الدنيا فرحانة بيك .. اسعي ياحاج الله يخليك ...
========== $$$$$$$$$$$$$$==============
رحت كملت الجمرات ...علي ابليس سبعات سبعات ...اعرف ياحاج
الحج كفاح ...حافظ عليه عشان ترتاح ...دنيا و اّخره تعيش في فلاح
زور النبي يتشفع فيك ... تبأه هناك في الجنة سعيد ... يوم الرضا
...... عليك يوم عيد ......و تبأه اتولدت .... يا حاج جديد ........
========== و كل ذنوبك رمتها وراك =============
اسعي يا حاج الله يخليك .. اصل المولي بيتباهي ... و الملايكة
بتحييك ... كل الدنيا فرحانة بيك .. اسعي ياحاج الله يخليك ...
========== $$$$$$$$$$$$ ===============
و لما تروح و ترجع بلدك ... خليك شهم و علم و لدك ... و اشرح
لاهلك و حبيبك ... و ازاي لمناسكك اديت ... و اوعي يا حاج من
الاثام ... خليك اريب م الرحمن ... و اقرا تملي في القران ......
========= و سدنا النبي راح يرضي علييك =========
اسعي يا حاج الله يخليك .. اصل المولي بيتباهي ... و الملايكة
بتحييك ... كل الدنيا فرحانة بيك .. اسعي ياحاج الله يخليك ...
========== $$$$$$$$$$$$ ==============
و عدنا الله و اياكم بحج بيته الحرام و زيارة نبيه عليه الصلاة و السلام
مع تحياتي محمد علي محمود نويشي ــ شبرا النخلة ــ بلبيس ــ شرقية
أعجبني
