الغربة بقلم اشرف صديق الشافعي

الغربه
يا غربتى حنى 
عايز ايه منى 
قلبى اخدتيه وبعدت احبابى عنى 
يا غربتى حنى 
****/////****

وحشانى تراب بلدى وحشنت اوطانى 
وحشنى حضن ولدى 
وحشنى بستانى 
وليلك الطويل بقضيه باحزانى 
وحشنى تراب وطنى وحشنى عنوانى 
عايش فيك كبد صهرتى وجدانى 
حريرك كله شوك وحاجاتى هى الجانى 
ما اجمل ليل الوطن ما زيه ليل تانى 
****/////******
يا غربتى جودى ايه قساكى 
ما انتى لحاجتى وطن لكن سماه غير سماكى 
عايش ليل الشجن احترت وياكى 
بقضى فيك الزمن اسير الجسد القلب باكى 
شايل جميلك فى عينى 
وعمرى ما انساكى 
لكن نسيم الوطن اجمل من هواكى 
يا غربتى حنى ايه قساكى 
****////****
هارب من بلدى بدور على لقمة عيش 
على عينى يا وطنى سامحنى متظلمنيش
الحاجه يا بلدى مرحمتنيش
جاى من بلدى ادور على لقمشة عيش 
راحل يا ولدى وصورتك مبتفرقنيش
مسافر يا ولدى ارجوك متنسانيش
كل الدنيا يا بنى فى بعدك متسويش 
****////*****
هارب من الوطن بتودعه دموعى 
مسافر بعيد بعيد ومش عارف امتى رجوعى 
راحل يا وطن ونبضك ساكن بين ضلوعى 
مسافر عنك جبر مسافر رغم طوعى 
*****/////******
ايام عذاب فى الغربه بقضياها
كلها احزان وشجن يا طول لياليها 
يا غربتى حنى خلينى اعديها 
بعدتى احبابى منى 
وحياتى اخدتيها 
اشرف الشافعى