جارى التحميل
استخدم زر ESC أو رجوع للعودة
لو مره الدنيا ضحكت لك
متصدقهاش
واحذر منها ومتأمنهاش
دا الغالي فيها بقي رخيص
واتحكم فيه اللي ما يسواش
وتدور علي الخير فيها ما تلقاش
ماهي بقت دنيا الأوباش
واحنا منها لسه متعلمناش
ماهي دنيا علينا غريبه
بندخلها ونتعشم فيها الطيبه
اتارينا لسه ما نعرفهاش
ترسم لك ضحكه علي شفاهها
نفتكر ان حياتنا بقت زاهيا
أتاريها ضحكه مغشوشه
مرسومه بكل الالوان
لأجل تصدقها الأذهان
وتناسب اي زمان
وفي أي مكان
والمغلوب فيها هو الانسان
ولسه ياما هانشوف
فيها غش كمان وكمان
ياعيني عليك
ياعيني عليك ياانسان
ما هو ذنبك انك ؟؟؟؟؟؟؟
صفاء عبد ربه
