من غير حب
========= بقلم عونى هشام
بنحب ليه
والحب ماله
نتغنى بيه
لو مر يوم
من غير حنانه
تندم عليه
الحب نعمة
يمسح فى دمعه
بيداوى حرج
عشنا بيه
بلاش تعاند
تعالى عاود
نفرح ونمرح
نعيش حياتنا
ننسى اللى فاتنا
ونشوف قلوبنا
هاتعمل ايه
الحب ساكن
فى قلبى ماكن
من غير قساوة
هتفيد بايه
تعالى احبك
يدوم لى ودك
نبنى نعمر
ونعلى بيه
لو عشت يوم
والحب سابك
دور معايا
شوف ايه معابك
عدل جوارحك
وداوى جرحك
هتلاقى طرحك
شهده معايا
اعمل ما بدك
بلاش تروح
وتغيب فى بعدك
تزيد جروح
ما تزيد فى عندك
هو انت فاكر
ما حد بعدك
بكره هتندم
والعين هاتسبح
ما يفيدها دمعك
الحب خير
انسان وطير
الود رحمة
والدنيا زحمه
تعالى حب
وبلاش تغير
تعالى نطرد
الشر بره
وننسى يوم
سقانا مُره
هتلاقى نفسك
بتعيش سلام
والشغل زاد
عن الكلام
تفرح بحبك
وتعيش لقلبك
وتغنى غنوه
فيها الهيام
تحلم معايا
واحلم معاك
تعيش هنايا
واطلب رضاك
ونقول يا دنيا
الحب غنوه
هتلاقى نفسك
عشت فيه
