جارى التحميل
استخدم زر ESC أو رجوع للعودة
(( حبنـــــا مـبـدأ ))
قلـــــم : ممـــدوح حـــنفي
...................................
ورجعنا ..
وكلي أمل أبدأ
من تانى معاها وأهدأ
أرجع لحبي لقلمي ..
وأعدي المفرق
قالتلى : عدي وأنا جنبك ..
وعمري ما هزهق
ردها رد روحي ..
وقلمى ما صدق
شمسي سطعت ..
ونهاري شقشق
قالتلي : إكتب أكتر ..
ورقي مسطر .. مستني مبرق
جمع أفكارك .. رتب إحساسك
كلماتك هتكون أروق
أول ما تمسك خيط فكرك ..
قوللي .. وأنا أسكت وأهدأ
أنا مش أكتر من مراياتك ..
فيها ملامحك و إبتساماتك
إبدأ .. بدد حزنك و آهاتك ..
ومعاك أنا فى كل حكاياتك
و إنتي معايا ..
كلماتي أجرئ .. حرفي أدفئ
ياللا معايا طريقنا نبدأ
وحبنـــا لحياتنــا مبدأ
