جوازه عصرية بقلم سعد المهدى

جوازه عصرية !
أتجوزت العروسة .. ونكتب الكتاب
وفرحه كبيره .. زفه ودخله .. وكانت ليله حكاية
فِرح العريس وفرحت العروسة وفَرح الأهل والأحباب
وكام صوره للذكري وألامل في بكره يحكوا لولادهم
أزاي كانت البدايه
شهر والتاني .. الكل شاط ف التاني!! 
ـ حاسس انك بعيد .. 
ـ حاسس إني وحداني
مش قادر اقرب منك .. مش قادر أشوفك تاني
دا كلام ! ليه الخصام ! 
ليه الخِناق! فين الاتفاق
نجيب القسيمه والعقود .. ونجيب كمان الشهود
الكل ياخد حقه ويبعد عن التاني 
العريس خد السفره والنوم ..ىوالعروسه خدت الصالون وكام كاسه وكام كوبايه
والعريس كل ما يتذكر و ف الزواج تاني يفكر
يبص لصوره مبتوره وبراويز مكسوره
مكتوب عليها .. دي كانت النهايه
والعروسة! مطمنه علي عفشها .. شايفاه ادام وشها .. ماهو دَ كل همها 
تجلس ع الصالون المدهب المزيونَ .. أصله أجمل ما يكون .. يزغلل العيون .. 
وتلمّع فـ الكاس والكوبايه
ودى كانت حكاية جوازه عصرية وبتتكرر زيها ألف حكايه وحكايه
اشعار .. سعد المهدي