شفت الفرحة
شفت الفرحة في عيونها ..
رجَّعت لي فرحتي
يحميها ربنا ويصونها ..
جففت لي .. دمعتي
رجع قلبي من تاني دق ..
رجع احساسي من تاني رق
ونسيت الأحزان ومَبقتش خايف
لما شفت البسمة ع الشفايف
شفت سنيني في ليلي ضي
شفت أيامي وعمري الجي
ومشيت طريقي ..
اللي هجرته من زمان
ونسيت عمرى اللي عشته في حرمان
عمري الحقيقي .. أبتدا الان
هعيش حلمي اللي نسيته ..
هعيش املي اللي استنيته
خضره ومايه ووردة في بستان
وزهرة ومُهرة ..
وعروسة في فستان
لابسه الطرحة وليالي فرحة ..
وأحزان مفيش
شفت الفرحة في عيونها
.. رجَّعت لي فرحتي
يحميها ربنا ويصونها ..
رجعت لي بسمتي
اشعار غنائية .. سعد المهدي
أشعار غنائية - سعد المهدي
نشرت فى 31 يوليو 2014
بواسطة Aboyosefmohamed
ابحث
تسجيل الدخول
عدد زيارات الموقع
314,823