جارى التحميل
استخدم زر ESC أو رجوع للعودة
ــــــــــــــــــــ غراب ـــــــــــــــــــــــــ
غراب
فى السما ناعق
وناب أزرق لفار زاعق
فى غيط أخضر ..
..
الخير فيهبالكيذان
نابت بيتسابق..
ومتعمّر
..
نده
غراب البان
ولم ألف غراب
حضرت
جموع سودة
وقاصدة سوءوخراب..
..
الزرع متعافى
للسما طالع
تزينوا شواشى..
وعرقوا
من قوتوا فى الأرض
فايت ماشى..
..
لكن الغراب
استكتروا على
المساكين..
والفار بنابو الشين
غاص
بين شقوق الطين
..
أكل أساس العرق
بنية انّو يموت
والأرض تبقى خراب..
وتمشى أصحابها
وبعد امّا كانوا ساكنين
وفى خير الحياه عايشين
يتشتتوا فى الدنيا
يعيشوا
..........كما الأغراب.....
..
الزرع مال عودوا
ولونوا سار أصفر
لكن عزيمة الأمل
ديما
فى الدنيا بتعمّر..
..
الفار تعب
حتى الغراب اتعل..
لكن ما فيش نيه
يفوتوا غيط الخير
غيرلما يبقى خراب..
..
لازم
علشان تعيش يا زرعنا
تنبت سلاح الشوك
واحذر أيادى الغير..
..
اوعى فى يوم يخونوك..
والدنيا بالأسباب
فتح عنيك واعملها
علشان تفوت
مليون وألف حساب......
.
سالم هاشم
المنصوره
2014
