واهمة بقلم سعيد العزازى

.......{{{واهـــــــــــمــــــــــــــة }}}.............
لو فاكرة انك حب عمرى
ولا شوق ساكن ف دمى
وان قربك كل همى
تبقى واهمة
ايوه واهمة
انت زيك زى غيرك
عاشقة واخترتى مصيرك
ولو فاكره انى طيرك
تبقى واهمة
ايوه واهمة
لو صورلك يوم جنونك
انى مالكانى بجفونك
ولا عاشق لون عيونك
تبقى واهمة 
ايوه واهمة
لا ده انت حُب فانى
راح ف دقيقة وثوانى
لو فاكرة بعدك هـ عانى
تبقى واهمة 
ايوه واهمة
انت قصة من خيال
حب اصله من محال
لو فكرتى ف الوصال
تبقى واهمة 
ايوه واهمة
بقلم سعيد العزازى