مشاعر جميلة
أنا مش هاجاوب
************
أنا مش هاجاوبكٍ ع السؤال اللي ف عينيكي
أنا راح أسيب قلبك هوا اللي يجاوب عليكي
اسأليه ..اسأليه لما كان قلبي بيتلهف عليه
قوليله .. قوليله دا يبقي معناته ايه
أسأليه لما كانت ايدي بتلمس ايديكي
كان ساعتها يحس باايه
اسأليه لما كانت عينيا تيجي في عينيكي
ساعتها كان بيقرأ فيهم ايه
اسأليه أنا أد ايه كنت أخاف وأقلق عليكي
لما كنتي عن عيني لحظه تغيبي
هوا دا يبقي اسمه ايه
اسأليه لما كانت روحي تطير عليكي
دا يبقي تفسيره ايه
اسأليه لما كنت بسهر الليالي
كنت بسهر أفكر في مين
و ماكنت أنام الا لما أطمن عليه
اسأليه كل دا كان ليه
اسأليه لو يوم مرضتي
حالي ساعتها كان بيبقي ايه
كنت باأتمني بروحي أفديكي
كنت أتألم وأدعي ربي يشفيكي
وياأخد من عمري ويديكي
يبقي دا يتسمي ايه
أسألي نفسك دا كله يبقي ايه
ولسه جايه دلوقتي بتسأليني
انت بالنسبه لي ايه.. تبقي لي ايه
سؤال غريب مش ممكن أجاوبك عليه
أنا كل دا شايفه في عينيكي
أيوا شوفت فيهم مليون سؤال وسؤال
شوفت فيهم الشك اللي ماليكي
اللي مضمونه .. أكيد محال
شوفت حيره
شوفت غيره
شوفت كلام كتير صعب يتقال
هوا دا بردوا يبقي سؤال
هوا دا بردوا أخر اللي كان
هوا دا العهد اللي بينا من زمان
عرفتِ ليه مش عايز أجاوبك ع السؤال
لأن الرد عندك انتي
والرد اللي عندك كان بيكفي
ومش مختاج تاني لكلام
وكفاياكي بقي شك وغيره
كفايه بقي أرجوكي . دا كتير حرام
دا اللي بينا اسطوره من أساطير زمان
غنوه حلوه جميله .. تتغني في الموال
طيب قوليلي .. لو مش بحبك
كنت ليه باأتحمل عنادك وصدك
وليه كنت بارتاحالك لما اشتكي
وأرمي بهمي في صدرك
وأحس بالدفء اللي مالي قلبك
دا الجب اللي بينا .. الكل كان بيحسدنا عليه
وانت جايه دلوقتي .. بتسأليني بحبك قد ايه
هأقولك ايه .. ولاايه .. ولا ايه
أنا راح أقولك .. صدقي اللي قلبك يدلك عليه
صدقي اللي قلبك يدلك عليه
صفاء عبد ربه
