شغل جنان للشاعر هشام عوض

شغل جنان 
======
أنا عقلي وشت خلاص 
مـ الظلم ومـ الظالمين 
ومعدش خلاص إخلاص 
وآخرها نروح على فين 
-
تلاقيهم سبوا الزور 
والزور مزروع جواهم 
ويحاربوا بقوه الجور 
والجور ذات نفسه معاهم 
-
مرات بيخاطبوا الناس 
ويقولوا حرام وحلال 
بيرصوا من الكراس 
والطبع فجور وضلال 
-
ستاتهم برده حكايه 
مكياج وهدومها يادوب 
وكلام فـ الدين رغايه 
وتجرجر فـ المنصوب 
-
وتقول دا حرام بالله 
وعيونها تسح إيمان 
والدين وسطي ومحلاه 
والتاني لأهل زمان 
-
إزاي فيهم وشين 
معقول من بني إنسان 
والناس عايشه وراضيين 
ميكنش دا شغل جنان
-
إزاي .قربت أتجنن 
يبقى الإنسان كداب 
وفـ كدبه شيطان يتفنن 
والله دي عيشه هباب
============
=================
بقلمي ... هشام عوض محمد 
الأربعاء ... 23 - 07 - 2014م 
================إلغاء إعجابي