يــا دفــان / بقلم الكاتب / سالم فرحان

يادفان بلله عليك صبرا 
اتعثر والمدامع تنثر العبره
ونبضي بوسط تابوت يبجي
يادفان بلله عليك صبرا 
يادفان هاى امي 
تيهت بعد ماشوفك يدربي
يادفان بلله عليك بهداى 
يادفان هاى امي 
كوميلي يايمه قلبي موجر بناره
محتاج لحنانج فدوه ضميني 
كوميلي يايمه وانا اشريج 
بتراب الجفن يايمه غطيني 
انفضي تراب قبرج يمه شوفيني 
اعرفج انتي دومج ما طبكتي الباب 
وطبعج وانه اعرفج ملكه للخطار 
كوميلي يا يمه مارايد اعذار 
وبدموع الملاقا اليوم غسليني 
كوميلي يا يمه اليوم كوميلي 
خطارج عزيز وماتفشليني
شقول اكثر يايمه واوفيج ديني 
معذوره يايمه اليوم معذوره
ملك الموت لايعرف رحم ولافرصه ينطيني 
ماخذج مني يايمه وحتى رب الكون 
بكتابه عليج يمه يوصيني 
معذوره يايمه اليوم معذوره 
لوما باللحد جا والله شلتيني 
جا والله شلتيني
(ذكرى وفاة والدتي الله يرحمها )