جودك مو بلاش / بقلم الكاتب / خضير الحسني

جودك مو بلاش أنطيت جفين
بس غلو سعرهم رادو الراس
كل هذا ورضيت لخاطر حسين
خفت ﻻجبدته امن العطش تنجاس
لون تدريه بعدك حالته شلون
على رمال الطفوف ضلوعه تنداس
جا عفت الشريعه وجيته ملهوف
وجبت جفين اديك لجسمه حراس
مثل خوتك ابد ياخوه بالدين
بس خوة ابوك وطه بالناس
علي رادك ذخر يدريك لحسين
مثل نسمه التنشف دمعة الياس
يعباس ودخيلك شعري مرات
يلجملك جرح لو بالعتب داس
بعدك لو كلت زينب تناديك
من كبرك تفز تتراجف أحساس
بس معذور عنك صارت بعيد
جفوفك والعلم والسيف والطاس....
تظل رمز الوفه والغيره والدين
وتظل عتبة ضريحك شرف تنباس
كبل ﻻينذبح ذبحوه الحسين
من شاف العلم طايح يعباس...