لا تصرخ يا صوت / بقلم الكاتبة / هديل الياسمين

لا تصرخ يا صوت ،،،
ما تصرخ يا صوت مافي حدا 
وحده بيرد عليك الصدى 
ركبوا خيالات الغياب 
والدمع معلق عنائيد عالبواب 
وينك يا طير ما جيتني تغرد اليوم 
ما بعتب عليك ،، عليي اللوم 
وما بعتب على حبابي لهون 
وحدي غريبة نورهم عني غاب 
نسيت حتى كيف بيكون العتاب 
بسمع ايديهم تدق عالبواب 
بفتحوا ،،، وحده واقف مافي خلفه جواب 
برجع ععتمة غرفتي بحضن تياب فيها ريحتهم ريحة حباب 
برجع لدمعة دمعتي 
وبرجع بنادي وصوت بيقول 
لا تنادي ما في حدا 
وحده بيرد عليي الصدى و صرختي يا اه بيسمعها الفضى 
ركبت غريبة مركب ماله بواب 
تركت هونيك خيالات ضحكتي مع لحباب 
حتى ندى الورد بيرتعش 
عطرهم كيف وينو غاب 
عالم غريب كلامه غير كلامي 
حتى بسمته ما بتحضن مرامي 
وجوههن غير وجوه 
ويللي ليلي صار نهاري 
بجرب قرب احضن شوية ذكرى 
بخيالي بتمر وكانها سكرى 
تتخدر حواسي وبقول لحالي 
هيدا حلم بكرة بفيق يا حالي 
بيرد واقعي ،،
فيق،،
بينك وبينهم في الف حدود و مية طريق 
وبحر كبير،، تشبث يا غريق 
غريب
يمكن بكرى تتعود عن قريب
ما تصرخ يا صوت ما في حدا وحده،،، بيرد عليك الصدى