جارى التحميل
استخدم زر ESC أو رجوع للعودة
باجر نزرعك ورد...
ونفتح اقفاص العصافير
ونخلصهن من المعتقل ...
ونخليهن ....تطير
ونفتح باب الهوه ...
يجيب غيمه ...للوطن
تمطر علينه للصبح ..
وتغسل شوارعنا ... ببرد
وتصبح نظيفه من الحقد
اطفالنه بيه يلعبون ...
لا خوف....
من غادر يفجر روحه ...
تكول مجنون ...
كل النريده ....لبعضنا نحب ...
باجر نزرعك ...
ياوطن
وتفتح مدارسنه أبوابها..
ندرس اطفالنه .....
شنو الوطن
وشيعني...
الوطن بحساسنه
عاش الوطن...
عاش الوطن
احلى نشيد تردده.....
اطفالنه
