جارى التحميل
استخدم زر ESC أو رجوع للعودة
خل يبجون
للعمر الزغير
الحالم المجنون
للوجه الصبوح
الكله بس عيون
للأحلام للأمال لليمشون
بعدج توج اعله الدرب تتوجين
خطوه بأثر خطوه
والشعر مفتون
بعدج لا عرفتي الراح
من الجاي
واجتج مسرعه أمراض
هذا الكون
يا وجدان يل رحتي بعيد
شلونه بينه شلون
بالاب الحزين
وعمره كرب حيل
بالاخوان
بالاصحاب
باليدرون
بالشعر ..الطموح
الحلم وين يصير
هم جوه التراب
وي الجسد مدفون
يا وجدان
يل رحتي سريع
وعفتي هذا الكون
هم زين وعرفتك
مثل هذا اليوم
جا دمعي جره
ولا يوكف ولا يهون
بس نبجيج طفله
وحالمه بالخير
وندعولج سكون
بأيد رب الكون
