فاكر لما كنت حتموت عليها؟

فاكر لما كان قلبك بيدق لما تشوفها؟

فاكر لما كنت بتتمنى تخطبها و تدعى ربنا تكون من نصيبك؟
...
فاكر حصلك ايه لما عرفت ان متقدملها واحد غيرك؟

طيب فاكر لما روحت تتقدملها؟

يومها لبست البدلة و قلبك طاير من الفرحة... خادت معك تورتة كبيرة..

فاكر قلبك كان بيدق ازاى و انت بتقرا الفاتحة مع والدها؟

فاكر ازاى مكونتش حاسس بالدنيا و الناس بتقولك مبروك؟

فاكر لحظة مالبست دبلتها ؟

فاكر ازاى مبقتش مصدق نفسك انك خطبتها؟

فاكر؟

فاكر لما كنت بتعد الأيام علشان تروح تزورها؟

فاكر الشيكولاتا اللى كنت دايما تاخدها و انت رايح؟

فاكر الورد اللى كانت بتفرح لما تشوفه؟

فاكر كلمة وحشتينى؟

فاكر لما كنت بتتمنى اليوم اللى يتم فيه الزواج ؟

حلمت كام مرة باليوم ده و انت خاطبها؟

فاكر يوم كتب الكتاب؟

فاكر وشك ازاى كان أحمر و انت بتردد ورا المأذون ؟

فاكر ازاى مكونتش شايف و لا سامع حاجة بعدها مع إن ألف واحد إتلم عليك يحضنك و يبوسك يباركلك و انت مش شايف غيرها بتبسملك؟... عروستك

فاكر تعبت قد ايه و انت بتوضب الشقة؟

فاكر كم مرة و انت فى الشقة و هى بتتوضب كان قلبك قد ايه سعيد ان ده البيت اللى حبيبتك حتعيش فيه معاك؟

طيب فاكر لما روحتوا تختاروا الوان السيراميك؟

فاكر و انتوا بتفكروا فى ألوان الحيطان؟

طيب فاكر فرحتك و انتا بتفرش الشقة بالعفش؟

فاكر لما كانت الفرحة مش سيعاك و انت بتتفق على الفرح؟

فاكر لما كان فاضل على الفرح يوم واحد؟

فاكر و انت بتشترى البدلة؟

و انت بتتفق على زينة العربية؟

فاكر لما نسيت تكلم صاحبك تعزمه من لبختك؟

فاكر يوم الفرح لما روحت تجيبها من الكوافير؟

فاكر؟

فاكر كانت اقد ايه الفرحة مش سيعاك و انت بتدخل مع حبيبتك لأول مرة بيتكم؟

فاكر؟

مرت كام سنة على الذكريات الجميلة دى؟

ايه اللى اتغير فيك ؟.. ايه اللى جرالك؟

ليه بقيت قاسى عليها؟

ليه مبقتش رقيق معاها زى زمان؟

مش دى حبيبتك اللى ياما اشتقت تسمع منها كلمة بحبك؟

مش دى اللى ياما قلتلها انك بتحبها؟

ليه مبقتش تجيبلها ورد زى زمان؟

ليه مبقتش تجيبلها هدية تعبر بيها عن مشاعرك ؟

اسمع كلام ربك حبيبك و هو بيقول وَعَاشِرُوهُنَّ بِالْمَعْرُوفِ

اسمع كلام الحبيب المصطفى صلى الله عليه و سلم لما قال " ألا واستوصوا بالنساء خيرا".. صلى الله عليه و سلم

رسالة لكل زوج اوعى تسيب زوجتك حبيبتك زعلانة منك و افتكر كل اللحظات الجميلة اللى بينكم و صالحها دى أجمل لحظة وانت بتصالحها

واوعى تفتح باب للشيطان الرجيم



بارك الله لكم و فيكم و حفظكم من كل سوء.. آمين

A2A2014

يجب أن تفرق بين من وضع سطورك في عينيه .. ومن القى بها للرياح عمرو ممدوح احمد

  • Currently 20/5 Stars.
  • 1 2 3 4 5
6 تصويتات / 94 مشاهدة
نشرت فى 1 نوفمبر 2011 بواسطة A2A2014

ساحة النقاش

A2A2014

ربنا يبارك فيك يا استاذ حمادة

عمرو ممدوح فى 7 نوفمبر 2011
A2A2014

بدون استأذان استاذتى
وعلى فكرة انت معزومة ثاني ايام العيد في خطوبتى
وكل عام وانت بخير

عمرو ممدوح فى 4 نوفمبر 2011

ابحث

تسجيل الدخول

عمرو ممدوح أحمد

A2A2014
قمت بإنشاء هذا الموقع لكى أقدم من خلاله أرائى وأطرحها على مساحة واسعة لاتلقى اكبر كم من الردود والمشاركات ومن اهدافى أيضا إفادة القراء مما قد قرات ايضاً من أهدافى تقديم المساعدة لأصدقائى من خلال حل بعض الأسئلة الخاصة بالدراسة سالكاً في تلك الإجابة اسلوب المقال لكى يستفيد باقى القراء »

عدد زيارات الموقع

63,127

مفاااااااااااااااااتيح مضيئة

مفتاح العز :طاعة الله... ورسوله..

 

مفتاح الرزق :السعي مع الاستغفار والتقوى ...

 

مفتاح الجنة :التوحيد ...

 

مفتاح الايمان :التفكر في ايات الله ومخلوقاته ...

 

مفتاح البر : الصدق ...

 

مفتاح حياة القلوب :تدبر القران ,والتضرع في الاسحار

 

مفتاح العلم : حسن السؤال ,وحسن الانصات ...

 

مفتاح النصر والظفر : الصبر ...

 

مفتاح الفلاح : التقوى ...

 

مفتاح المزيد : الشكر ...

 

مفتاح الرغبة في الاخرة :الزهد في الدنيا ...

 

مفتاح الاجابة : الدعاء......