الكيميائي ماهر العفيفي اهداء لحملة اوعى

  كان طيب وكويس دمه خفيف وظريف

يبدأ يومه رياضة ويعشق كل نظيف

حتى فى شغله جدع بأمانه وحريف

أب مثالى وقدوة ومع ولاده لطيف

زوج طيب وحنون وأرق من الطيف

كل صفاته جميلة وكريم جدا للضيف

بس صحاب السو فيهم شر مخيف

صحبوا دعاه وغواه هى سجارة اسحب يا خفيف

سحب المسكين واتهور واتحول طعم ضعيف

وسجارة ورا التانية ورا التالتة وإلخ...وضيف

أتاريها كانت ملغومة مليانة وهم وتخرييف

وصاحبنا اتحول لأسير عبد الهوى والكيف

باع كل اللى وراه لاجل الادمان والتزييف

وفى يوم كله مشاكل هم كبير يا لطيف

رجع البيت زعلان مخنوق قوى وعنيف

ومراته تهديه فضربها وسب الواد والضيف

ساب البيت هربان زهقان لا بيسمع وكفيف

وبأة ينام فى الشارع يتوسد أى رصيف

بأة عايش زى الميت وحياته بأة أرشيف

وفى يوم ماشى يطوح خبط فى شاب نبيل وشريف

شافوا الشاب افتكر حياتوا وماضيه المخيف

حلف واللهى ما أسيبوا وهيرجع تانى نظيف

وندهلوا وحضنوا وقالوا اسمعنى من غير تكليف

الحل ايمان وعزيمة ومصابرة وفى شرع حنيف

فضل وراه ونساه أصحاب الهوى والكيف

وصبر واتحمل كل أوجاعوا لاجل التخفيف

ودعا ربه رب أعنى أنت القادر وأنا ضعيف

ورجع تانى زى الاول من غير ولا تحرييف

أوعى تخلى شيطانك آمر عايزك زى السيف

وأوعى تخلى ضميرك نايم دايما تبأة شريف

حلمك أملك يومك عملك كن حسن التصرييف