قعدت اقلب بأوراق مهمه احتاجها فوق المكتب سويتي قهوه عسريييع

وجابلت هل المكتب لقيت أشياء وايد عليه!!!!!!!!!!!!:\

لقيت ماضي !ولقيت مستقبل! ولقيت في ذكريات! ولقيت اوراق تحمل اشخاص:)

لقيت أفكار متبعثرة تخص المواد:|

تخص المعارض") تخص الخطة ليوميه من ماأقوم من الفراش حتى لما احط راسي على المخدة

زحمة جدا احتاج غلى أني ارتب اوراقي أمممممممممم

زحمة الحياة متعبة التدقيق في امور وايد تتتعب البحث عن ذكريات ماضي تسعد ولكن تجر معاها  رائحه قديمة

تطويها واعيد اوراق الملف 2010

حتى اقدر اجهز حق مابقى من 2010 لي 2011

لكن معقوله اصكر دفتري القديم بدون مااخذ لمحة على إلي في بدون ماأستفيد من تلك المواقف بدون ماأحطها  بالعتبار بدون ماازخرفها بورقه واحطها جدام عييني عشان اقدر اكمل حياتي بدون تكرار تجارب وشنو لازم اسوي

اول اورقة اورقة الخطط

 لازم اقلصها ومااخوض في أمور عدة ارتبهم وأخصخصها

دراستي راح اتعمق فيها اكثر واكثر لأنها وقت تحديد مصير

والرسم راح اقعد وقت تطول عشان لوحة او لوحتين اطلع في كل يوم ذره من الي بوصله عن شعوري لهل العالم

اوراق المحيط

اعطي كل شخص حجمه الدقة المتناهية لتعامل مع الآخر مو بغرض اني بطلع هل العالم بدون مااعرف عدل منو هشخص  المحبه والعفوية سوف تقل تدريجيا

انسى تلك الأشخاص إلي كانو بسااعه من الساعات مهمين واستبدل من يستحق بتلك المرتبه

اعطي بلا حدود اقدم بدون ماالتفت حق إلي يمي ولا إلي وراي مايهمني احد غير الصح

غير اهدافي الي بوصله بكل الطرق مفاتيح برمودا سوف تلقى مره أخرى في برمودا:)

ان الحياة ماتنحصر على شي خسرته وكسبته ومونهاية العالم لخسران درجه او لخسران شخص او خسران ساعه

لانه حزتها راح احسبها بالملي لكل حركه والهمسه

راح اشتغل بعمق على ذاتي وانسى المحييط

الأشياء إلي حققتها العام ماتوقت انها بتصير لو على مدى الطويل

سواء بدراسه او بالمعارض أو بتحقيق احلامي من فريق من اجتماع عالم الفن من علاقة مع أشخاص رائعين  وقت رائع بمعنى الكلمه والحمدالله

من رؤية العالم من زوايه مختلفة

فعلا قاعد اطالع هدفي يتغلغل في نفوس من حولي ويجري لينتشر كرائحه عطر يزهو النفس

وبهل اللحظات اكتشفت حقيقه اشخاص كثيره حزت غفلة والحمدالله عرفت شلون اتعامل معاهم

مشيت وراح اكمل سلسلة احلام واهدافي إلي ماابي نفسي تطلع فيها في القمة بل النتيجه إلي بوصلها

انا موطامحه ولاحلامه ولامتمرد ولا متفائلة ولا قويه لا

انا مؤمنه انه بذور الخير والإصلاح موجوده في كل نفس في هذا العالم

ولابد من اشخاص تكتشفها وتيمعها ونزرعها بمزرعه كبيره مزرعة الكويت والإسلام

انا مؤمنه

مدام تركض ورى غاية فيها صلاح المجتمع  لابد من آفة التخريب راح تلحقك لكن انتا اكبر منها لأنه رؤيه سفاسف الشخص مومهم ومايهمك إلا إلي انتا تبي توصلهم الي تبي  كثر هدفك الكبير إلي قاعد تعززه

انا مؤمنه ان مهما استغربو من لي قاعد تقوله سواء من ميولك او هدفك يمكن راح يمر مستغرب ومقلل منه صدقني

بعدها راح يتذكرها وراح يستفيد منها ويمكن يشاركك فيها:9

لما تمشي وتسمع الناس تذكرك بالخير تحس بسعاده انك قدرت تعكس حقيقة ذاتك

التمسك بمبادئك اهم شي حتى لو دست على مشاعرك وافكارك وطموحاتك

 اهم شي

كرامة الذات فوق اي شي مهما يصير مايتنازل عنها الشخص

الصمت بمواقف واييييييييييد يكون الحل الحقيقي ولاتحكم على شخص بسرعه

ولاتنتظر شخص  اكثر من الوقت لازم شوف امور تستحق انك تسويها حزتها

لاتحاتي شخص وتسأل عنه وتتشوق عشان تشوف شنو صارله واهو بالحقيقه في وادي اخر

عشان جذي مو اي شخص تحاتيه وتفكر فيه وتعطيه اهتماك عشان جذي المشاعر غالية التفكير ياجماعه كنز مو كل الأمور تفكر فيها في وايد أشياء نعطيها حجمها واهي ماتستحق انه حتى تلفت فيها

حياتنا

احنا محنا ضامنين بعد هلحظه لكن  ضامنين انه نمارس باللحظة الي نتنفسه الشي إلي نبي نسويه

في امورررررررررررررررررررر وايد بتعلمها بمارسه بالأيام اليايه راح اقلص ساعات النوم إلى 6 ساعات

راح أعيش كل شي اتمنى وكل شي اتعلمه واخوض  فيه حتى لو فشلت مره ومرتين راح اكمل لأانه للفشل مالا طريج في حياتي ابدااااااااااااااااااااااااااااا

صدقت شخص وامنت فيه اتمنى يكون قد هذا الصدق اتمنى مايكون انسان اخر

اتمنى

انه يكون مثل ماانا طالعته اتمنى انه يكون قد الشي إلي عطيته ياه ويستاهل اني اكون في اجمل حلة أسعى ان اكونها في سنيني القادمه

اتمنى انيي ارى المحيط بكل وضوح

اتمنى اعيش حياتييييييييي بكل امورها بركض وبوقف وبمشي ولاشي راح يعقني ماراح التفت لأحد راح احقق إلي ابي وعقلي يناديه به

الضعف ودع من زمان  القوه اهي طاقتي كللماتي هي سلاحي مبادئي أهي هتافاتي افكاري راح اطبقها بكل الطرققققققققققققققققققق

صار المكتب فاضي ماعليه إلى دفتر الخطط اليديه وكلمات تذكرني بطموحاتي

دائما هكذا اكتب ماتريد امن به

سوف يحدث:)

لأنه ببساطه حياتي جذي

وطموح بتكون جذي ومهما صار راح اروح حق ذاك الطريييييج إلي ماراح امل منه اهو طريج الطموح :)