عرفنا سكتنا
مات خلاص اليأس والأوهام
وبقينا نبص لميت سنة لقدام
شحن الأمل كل القلوب الطيبة
واداها دافعة خلاها تبقي تمام
هو العمل ما في عنه بديل
شوفنا بعنينا والشوف خير دليل
لما اردنا أبهرنا كل العالم
كله بصراحه ومكانش فيه تضليل
الكل شارك ومصر كات في عنيه
اشتغل بجدمقالش لأه وليه
مفيش لامال ولا جاه ولا سلطة
شرف المشاركة عن أي شيء تغنيه
هي دي مصر اللي احنا عايزنها
تبقي عروسة دايما وعلينا تزينها
نرسم علي وشها الضحكة الجميلة
بالحب ويا العمل نصرف تعابينها
الوقت ومسكناه وخلاص بقي في إيدنا
وبعزم روضناه وعرفنا سكتنا
وبدأنا نتعامل مع وضعنا الحالي
وبقينا شيء تاني حافظين مواعيدنا
كلمات /‫#‏شاعر_الوطن‬ _آسر_طرباي