رافت يوسف

(دوسي وخطي ) ....................... بقلمي / رأفت يوسف
دوسي وخطي علي الصنم
وعري الكفن
اللي قتلتيه من زمان
دوسي كمان وكسري
معدش فاضل غير حطام
برئ بإيدك أتقتل
من غير ما حتي تفكري
قلبك أناني غدر وخانه من سنين
دمي اللي سال
من جرح غدرك من زمان
حبك محال كان وهم
غدر وعدي كان
مات البرئ ولا ذنبه شئ
غير أن حبك
ودعه وحده لقبره
ملقاش بشر بتشيعه
جواكي عاش عمره سجين
خطي كمان ...........................
دوسي علي كل الألام
دمي مغرق كل حته في جتتي
سكت الكلام
علي بياض توبي
اللي بقع فيه سواد جرحك
بدمي اللي عليكي في لحظه هان
وفضلت وحدي ف الآنين
أخترتي موتي وأعيش وحيد
ميت علي أرضك وقلبك من حديد
خطي كمان .....................................
وكسري كل اللي باقي
من حياتي ودنيتي
ودمري كل الخطي
اللي بنيتها في سكتي
راح أعيش لمين
جرحك قتلني وخد معاه حلمي الكبير
غدرك دا زرني في عز فرحي
ما كان كطير
يلا أقتلي وكسريني من غير ما حتي تودعيني
أنا القتيل
اللي مكنش ليه ذنوب
غير حب ليكي عاش دفين
لما ضميرك يسألك
وسنين هاتقضيها في غيابي تفكرك
كان ذنبي إيه ..........؟؟؟
وعملت إيه غير ان عمري باعشقك ؟؟؟
وارضي بكدبك واسمعك !!
معدش فاضل غير ألم
ودموع بتبكي ع الحزين
،،،،،،،،،،،،،،،،،،،،،،،،،،،،،،،،،،، (بقلمي رافت يوسف )،،،، 12/8/201