،،،،،،،،،،،،،،،،،،،،،،،،،،،،،،،،،( لما طيفك جيه يزورني ) ،،،،،،،،،،،،،،،،،،،،،،،،،،، بقلمي / رأفت يوسف
لما طيفك يجي مره
يزور عنيا في المنام
حلمي يبقي معاك مسكر
حلو خالص روحي بيه عايشه في سلام
هايمه دايماً ويا روحك
دنيا حاضنه احلام مابنا
صاحيه وسط ناس نيام
بيك عشقت الحلم تاني
انت أملي انت حلمي
انتي ملكه وتاج لحبي
جوه قلبي حاسك انك
حته مني لما بعد الدنيا يخدك
لو دقيقه ألقي شوق بعدك قاتلني
واجري أحضن طيف حنينك
وسط كل الناس بحالها
ومش هاممني شئ ناداني
رغم انك مش قريبه
ورغم ان حدود مابنا هناك بعيده
بس حاضنك جوه قلبي يا حبيبه
وباحلم الأيام تعدي
والقي روحك ساكنه جنبي
أخر الحدوته تيجي
والمطاف أخره لقاكي واكون معاكي
ياللي حبك رجع الفرحه وحياني
مش مسافه تحوشني عنك
ومش بحور وبلاد بعيده تخدني منك
لسه ما بين الضلوع حب باقي كتير شايلك
رغم انك مش معايا أسالي طيور المحبه في سمايا
هاتلاقيها كل ليله تروح تودك
رغم اني جسمي وجوارحي ف مكاني
بس روحي تملي جنبك
واسأليها وانتي ف الحلم الي بنا راح تقولك
اني عاشقك ،
وعد مني مش هافارقك
ومش هاسيبك تمشي في الدنيا لوحدك
ولا يتملي بالحزن قلبك
لما تيجي هاقيد شموعي
بيكي تتودع دموعي واعيش زماني
وقت اللقي .............
راح افكرك ، بكل حلم حلمته بيكي
وهادوقك من شهده لما هاشوف عنيكي
وهاتعرفي اني ليلاتي ..................
كنت باحن للمسه واحده من ايديكي
انا في انتظار وقت اللقي وهامووت عليكي
علشان وصالك وتشربي من كاس حناني
واصلني من طيفك سلام بيبلغه
وفي كل مره يقول كلام روحي تملي تسمعه
لو تعرفي أنا قد أيه طيفك في حلمي باعشقه
واستني فيه دايماً علشان بحبي ليه أبلغه
أنا في انتظار الحلم يتحول حقيقه
صاحي وانا حلمي ف منامي
،،،،،،،،،،،،،،،،،،،،،،،،،،،،،،،بقلمي/ رافت يوسف15/8/2015