رافت يوسف

.......... (( طفل الشوارع )) بقلمي ......... رأفت يوسف
ااه يازمن
لساك بتقتل في البراءه بدون تمن
لساك بيحويك العفن
لسانا ماشين في الدروب
والخوف معشش في القلوب
من بكره .................
جاي من ليل طويل مابينله ضي
نظره وشوشنا بتعرفك
حاملين أسانا وسط خوف
دبل الخضار اللي في قلوبنا م الظروف
الطفل جوانا أتقتل ماعاد برئ
سرقوا النهار بدون مانفعل أي شئ
وكبرنا واحنا صغيرين
نظره وجع حملاها عين ليك يازمنا بتوصفك
إيه ذنبنا نكون ضحيه ............
في وسط ناس مابيرحموش
كتبوا علينا الموت وعننا ما بيسألوش ،
أحلام وماتت وسطهم
الرحمه ماتت والضمير راح منهم
مين يابرئ راح ينصفك
حاملين شقانا .................
نظرة ألم وظلام معشش في سمانا
حلم أتقتل من خوف ملانا
ضاعت ملامح سنينا ..............
الأسوه وأيام م الشقا
دفنت لبكره أحلام كتيره في قلبنا
بحر الدموع يابرئ لشطه بيحدفك،
طفل الشوارع ................
لساه لظلم المجتمع عمال يصارع
وسط الظلام فاتوه وحيد
كبر وما اتمدتله أيد ...............
الرحمه ياقلوب من عدم
لساه صغير
لساك يا طير عن عش ليك عمال تدور
نفسك تطير لكن خوفك كتفك
،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،
بقلم/ رافت يوسف
9/8/2015