جارى التحميل
استخدم زر ESC أو رجوع للعودة
منك انا استكفيت/شيماء يوسف
خلاص منك انا استكفيت
وعلى هجرك نويت
من غرورك انا مليت
هتخلى عنك زي ما اتخليت
مجرد ذكرى سيئه بيها مريت
ياما في فرحي حزنت
وفي احزاني ياما غنيت
لعبه في ايدك بترميها
وقبلي ياما رميت
ياما سهرت عيوني
وانت نامت عنيك
واحمرت جفوني
وعلى بعدك بكيت
كفايه اللي ضاع من عمرنا
واحنا مش فاهمين بعضنا
ياريت تخرج من حياتي ياريت
دبلت زهورك في قلبي مهما رويت
والجرح صعب يخف مهما دويت
انا بالجميع ضحيت
ولحبهم صديت
بعت اللي اشتروني
واشتريت اللي باع
ياخساره يارتني ما اشتريت
كل الشموع انت طفتها
والشمعه اللي لسه انا اللي ليها طفيت
فاكر حياتي تنتهي بعدك
دانا لحظة فراقك ابتديت
كلمه حنينه كانت الدوا
مش غنى ولا صيت
بس خلاص منك انا استكفيت
مين في اخلاصي تلاقي
مهما الوجود لفيت
ومهما قلت واترجيت
مش هسامح مهما بكيت
ولو كل البحار عديت
لاني باختصار منك انا استكفيت
مع تحياتى الشاعر الكاتب اسامة احمد الطهطاوى
