*** ( فرحــــة قنــــــاة ) بقلم ,, رأفت الشهــــــــاوى ***
الغربة طالت عليـــــــــــــــا وانا عايشة وحدانيه
لما السيسى جه وزارنــــى الفرحه رقصت ف عنيا
وقالى اختك جيالـــــــــــــك ومعاها كمان احلى هدية
ناس كتير هيبقوا جيرانــــك كلهم رجاله مصرية
هينسوكى دم عيالـــــــــك وهيدعولهم كل شوية
دا 100 ألف شهيد جوا ف بطنى وصورهم مرسومه ف عنيا
والسفن ف دموعهم عايمه وف دمهم رايحه وجايه
عمرى أبدا مانســاهــــم دا كفوفهم حاضنه بقوة ايديا
النهارده بس قبلت عزاهم ونسّتونى الحزن شويا
وشموع الفرح نورها يزيد وتنور أيامى الجايه
واختى شقيقتى ايدى ف ايديها هنزود كمان النقديه
والدولار أكيد هيمـــــــــوت وهندفنه من غير تعزيه
والجنيه روحه ترجعــــلــه وهياخد ميداليه دهبيه
مش هيطاطى أبدا تانى وعيونه هتبقى جامده قويه
بدماغنا خدنا القــــــرار لا دليسيبس ولا أى جار
بايدينا ومعدات مصريــه المهندس ويّا النجار
والعالم جتله سكتة قلبية ومن المصرى عقله احتار
دا المصرى هوّ المصرى عمره أبدا ما هينهار
مسلم ومسيحى ف ايد واحده يخلّوا الخراب ف لحظه عمار
وجات القناه وعاها الخيــــــــر رافعه راية الانتصـار
بعيونها الزرقه الصافيــــــــــه الفرحه دخلت كل دار
والزغاريد ملت الحــــــــــــارة ف بيتى وبيتك وبيت الجار
ولبست مصر توب البهــــجة فصلناه صغار وكبار
محمد وجرجس ومـــــــــلاك ومعاهم عبد الستار
زفناها بأحلى غنــــــــــــــوة أم الدنيا وأدّ الدنيا أغلى شعار
تحيا مصر منصورة قويـــــــــه احميها ياااارب م الأشرار
السيسى قائد ومهنـــــــــدس وعنده كتير م الأسرار
هيخلى مصر أعلى منــــــــارة بعزيمه وقوة وباصرار
**************************************
