مسعد أبو همسة

غواني بحـرك يامـلك . خلاني أشوف الــكون جميل
ونزلت أعوم زي السمك . قالوا العوم في مستحيل
-------------------------------------------------------
وقالولي :
هتغرق مهما تعـوم حـافـظ علي جسمك يامـفتون
ده سيف الهوي حامي ومسنون ان حصلك قسمك
قولت لهم أنا عاشق بجنون وفدي لعيون أجمل ملك
أسمك
--------------------------------------------------------
ياملك :
لو ميت مليون رسام يرسموا في جمال حسنك
بكـل الألــــوان مش هيصـوروا لـــون أجمل عين
لو ميت مليون مداح يمدحوا سنة في محاسنك
مش هيقًــدروا أوصافك لو وصفوك في سنين
ده جمـالك هيوديني لفين ، سبحـان من أبـدع
حسنك ومحاسنك
-------------------------------------------------------
وعلي رمــل الشط كتبت معاني حـروف أسمك
و بأجمل خـط . وتـوهت في سحــر بحــور معانيه
وأحلم بعنيك بتقولي بحبك ياللي الهوي وسمك
أنت اللي ملكت القلب وديما أفكـــر فيه
------------------------------------------------------
سبحان من أبدع حسنك ومحاسنك
من قلبي بحبك ياللي الهوي وسمك
علي رمل الشط كتبت حروف أسمك
وتوهت في سحر وبحر جمال معانيه
-------------------------------------------------------
بقلم / مسعد ابو همسة