على عتبة فراق راحل
=============
بقلم الشاعر المصرى/احمد ابراهيم
=====================
على عتبة فراق راحل

ولا تنادى خلاص صوتك

ومش مسموع

خلاص برج الحمام هاجر

سنين مجروح و انا موجوع

اقول مجروح ماقولت كتير

وبأيدى وانا مادد

حنين الحب لاديكى

لكن شوكك هنا طارح

خلاص يا حببتى ارمينى

خلاص انسينى يا ناسيه

و ادى شمس الفراق قاسيه

وفاض الصبر ف وجودك

ومات العطر ف ورودك

سنين وسط الخريف راسيه

وسكنانى ولا ماشيه

خلاص فاض بيا فى وجودك

انا ماشى ولو تبكى بصرخة اه

وتمللى فى الفضا صوتك

ولا ينفع خلاص بدفع الالام

الجرح بسكوتك

وفاكك منى اغلالك

ولا هرضى اكون عبدك

ده انا اللى كسرت انا قيودك

وانا الحاكم على ايدى

يكون موتك

على عتبة فراق راحل
====================
بقلم الشاعر المصرى/احمدابراهيم