من شابه أباه فما ظلم
إكفي القدرة علي فمها تطلع البنت لأمها
يخلق من ضهر العالم فاسد
ده كله نتيجه غياب المرجع لبناء شخصية قوية
"ولكم في رسول الله أسوة حسنه"
الولاد أولا
إما أن يكون بيحب أبوه ف يحاول يقلده ويتعامل زيه مع الناس وده بيحصل سواء الأب نموذج كويس أو وحش بس بيكون بيحبه ف بيقلده وده بيعكس خطورة دور الأب
أو بيقلد حد تاني عجبة شخصيته غير أبوه ممكن أخوه أو صاحب لبباه أو صاحب لأخوه بيقلد شخصيته كلها عشان بيشوفه ناجح وسط الناس بردو سواء كان القدوة دي صح أو غلط
أو بيكون مفيش علاقة بينه وبين أبوة ف بيحاول يطلع بشخصيه عكس أبوه مثلا لو أبوه طيب بيحس إنه ضعيف عشان مفيش إتصال أبوه ما فهموش إن الطيبة دي أدب ف بيخالف شخصيته أو بيكون أبوه واخد الدنيا بصدرة وببيتعرض لمشاكل كتيير ف بيحاول هو يكون مؤدب
أو بأه آخر حاجة ما بيكونش فيه قدوة قدامة من الرجالة في حياته ف بيكتسب من كل شخص يعرفة جزء عجبة من شخصيته وبيكون جواه شخصيات متناقدة و بيكون رد فعله مش واحد علي نفس الموقف
الصح بأه إن كل الشخصيات فيها نقص عشان هما مش رسل ف إحنا نقيس علي الأصل عشان لو نقصنا نبقي نقصنا عن الأصل إنما لو خدنا القدوه حد قلد الرسول هيكون نقص ف هننقص عن الناقص كمان نرجع للأصل
البنت بأه بتكون حاجه من إتنين يا جو الأسرة عندها حلو و الأب بيحب الأم وبيحترمها وبيقدرها في الحالة دي البنت لو في علاقه وتواصل بينها وبين أسرتها بتحاول تكون زي مامتها في صفاتها الحلوة والوحشه دون تفريق عشان ده تقليد عطفي لا يخضع لفلتر العقل زي الرجل
لو مفيش تواصل البنت بتروح ضحية الشخصيات الغامضة للبنات زي صاحبة الشخصيتين قدام الناس حاجة ومن وراهم حاجة
أو الدلوعة
أو الست الكبيرة
أو المظلومة من بيتها
أو طبعا سيندرلا
لو جو الأسرة بأة في مشاكل وكده البنت حاجة من إتنين يا تكون متعلقه بأبوها وشايفه مامتها ظالماه بتكون حاجه من إتنين يا غلبانه وواخده صف أبوها يا تقوي شخصيتها وتقف مع أبوها ضد أمها
لو متعلقه بمامتها ومامتها شخصيتها قوية هتكون زيها أو لو ضعيفة هتكون البنت قوية وتقف في صف أمها ضد أبوها
وعامه البنت حاجه من إتنين يا بنت عايزة تكون بنت و بتتمرجح بين الإلتزام بدينها وبين أنها تمشي ورا عواطفها
أو بين بنت مش عايزة تكون بنت ف بتدخل في علاقات يرفضها المجتمع زي الإفراط في صداقة الولاد أو التعامل زيهم وكده وفي حياتها بتتمرجح بين إنها عايشه فرحانه بكدة وبين إنها عايشه شخصية مش شخصيتها
