ياناس محدش شاف ولدى
ياترى انت فين يا بنى
يامة قولتك بلاش تسافر وتسبنى
وكان ردك معلش يا والدى
هسافر مفيش أكل عيش ف بلدى
يابنى بلاش يا بنى
قلبى مش مطمنى
يامة خليها على ربى
ونعم بالله يا ولدى
وف لحظة وانا شارد بفكرى
خبر مشؤم جانى
خلانى عجزت ف مكانى
مش عارف يمينى من شمالى
وحاولت اقوم من مكانى
وفجأة ربى ساعدنى
وروحت ع البحر أجرى
اشوفك يابنى
ميت ولا حى
وفجأة لقيتهم شايلينك يابنى
الدمع ف عينى
عمانى مشفت طريقى
مش قولتك يا كبدى
اسمع كلامى
وبلاش تسافر وتسبنى
بس انت معزور يا بنى
كان نفسك تعيش متهنى
بس الفقر اللى ف بلدى
خدك وضيعك منى
من وانتا ف الفة
بحلم تكون سندى
تكونى عزوتى
تكون اهلى
وف لحظة الحزن خيم على
حطمنى وكسرنى
محدش شاف ابنى