أهلك .. من كتابي : رحلة عمر
........
وج وقفـــــــــا ايدن لازم تبـــــــوس
لا تـــــــــــنهر بوجّن ولا تشكـــــي
مجدك عالارض لا تقيسو بفلوس
نيّـــــــــــالك ن خدت منّـــــن بركه
.......
من يوم لطلّيــــــــــت ع هالدني
اهلك تدوّقـوا المر تا عشت هني
ويا ما سهــــــــــروا ليالي داكنــه
عالدمع دمعوا وفرحوا للضحكــــه
.........
كومــــــة لحم عالايادي حملوك
بعينن كنــــت بقيمة ابن الملوك
بيكفي حبّوك وحمــيوك وربّــــوك
بغــــنى أو فقر اللبكه فرد لبكـــه
..........
كتير تعـــــبوا وتحمّلوا تا كبــــرت
م بغفلة عين لهالعمر انت صرت
مـــــش بالكتير لو فيهـــم فكّرت
من فكــــــــرن ما غبت ولا تكـــه
........
حقّــــــن عليك اوعا تتجــــــاهلو
أو تـــقول واجباتن هيكي يعملوا
غلطـــــان ، أهلك قلبن شغّـــلوا
والمحبّه بواجب ما بتحكــــــــــي
........
ن ما كنت بــــــي بكرا رح بتصيــر
وقيمة الاهل والابن بتـــــعرف كتير
ون كانوا أهلك كبار وقرّب المصيــر
بقلــــبك حملهن تا الحمل يتكـي
.........
ختيـــــــار بتصـــــــير ن كنّو مقدّر
وكيف عاملـــــــــــــت أهلك بتتذكّر
وما بعتقــــــــد ممكــــــــن تتصــوّر
ابنك بشي يوم اهــــــــلو عم ينكي
سايد –س - سابا