مين جوايا بيكتب؟!
سألت نفسي كتير مين اللى جوايا؟!
الشكل بره كلام و الكلمة دى غواية
باكتب كلامى كتير من جوة و اترنم
كل اللي شافه يقول الشعر ده هواية؟!!!
يا عم فكك فوق م الشعر و الالحان
خليك بدنيا تضيع وسط البشر الوان
قلبي يرد يقول مش زيكم انسي
الفن جوة قلوب مش بس للاحزان
يا قلمى اشعر قول حتى و لو وحدك
متخفش م المجهول وحدى انا سندك
نسمع لبعض كتير و الليل بقالنا دليل
لما كلامنا يزيد ورقي هنا عهدك
اسمع معايا و قول يا عم بالغنوة
فتح عيونك شوف دى دنيتى حلوة
مين اللى قال للخوف انت بقيت التوب
وحدك تبات مغلوب قلبي ملاه قوة
انا جوايا العالم و معايا ربنا ليه اخاف ؟!
د محمد وهبه