قلبي يشوغ مني لو شفت نار
وانهد لو شفت بعيوني بسمار
اخذ دمعتي واتعنـــه للدار
ابجي واحن كل ما شوف تذكار
____
يمة عليّ لا تخفين دمعج
ولو بسكوت من تبجين اسمعج
بضلوعي يريته كسر ضلعج
ويلوعني ييمة وما يلوعج
____
ظلت تون والونه خفية
ويون يمها الحسن وحسين اخيه
لمن دنت من عدها المنية
وصت تندفن باليل الاظلم
________________
فاطمة توصي المرتضى لمن اجه يودعها
يا علي بليل جنازتي لو رايد تشيعها
عدواني لو رادت تجي تحضر بدفني امنعها
بلحدي بعطف نيمني مصيوبه لا تلجمني
بالكبر نزلها الوصي فوك اللحد وسدها
اجفوف الجسدها تلكته والمرتضى يشاهدها
لنهن جفوف المصطفى خير البشر والدها
تكله يابوية جنت بلا سترما خجلوا وحشموني
يالمصطفى وعنهم لذت وبكل حقد عصروني
ليتك لحالي تنظرة لمن طحت عالغبرة
ينشدها كام المصطفى والدمعه تجري بعينه
يافاطمة بهذا الوضع حيدر علي جا وينه
ينظر لضلعج ينكسر والصارمة على يمينه
تكله يبوية المرتضى اصحابك مجتفينه
ضلعج يكلها ينجبر وابنج المهدي يجبرة
وشيجبر ضلوع الذي تطارد الخيل بصدرة
حسين الذي يذبحونه فوك الذرى يعيفونه
