بالطف ضريح المظلوم يزهي وتشع انوارة
هالليلة يارب الكون احسبنا من زوارة
****
قلب اليحب حسين مثل الجمرة ما يكطع الونة على كطعة نحرة
يتمنى هاليلة يطب يم قبرة مكدر يجر الحسرات كل ماسمع اخبارة
****
كل ما يشوف الناس يم قبرة تروح مكسور خاطر يوكف وكلبه ينوح
وينادي يارب الغريب المذبوح وديني يم كبر حسين واجعلني من خطارة
****
بمصاب ابو السجاد هايج وني كل ما يمر ببالي يكثر حزني
لزيارتة ياربي لا تحرمني داخل عليك وارجوك ادخلني جنة دارة
****
هذا حبيبك يا الهي وثارك انوارة تزهي وتشع مثل انوارك
والي يزور حسين جنه زارك ارفع جفوفي وادعوك وصلني يم ديارة
****
من اوصل الحضرة واطب الحائر يجري دمع عيناي واوقف حاير
اذكر صدر مهشوم داسه الحافر ولا انسى نحرة المكطوع ودم النحر يتجارة
****
