شيلي صينية الفرح *** جـــاسم الليله انذبح
طفي الشـمع *** سيلي الدمـع
جاسم الليله انذبح
********************
لا صـــــواني ولا شموع *** ليلة القاســــم دمـوع *** يلطــــــم ويبچي الرسول
حاضره الزهره المصـاب *** طشت عليها التـراب *** سحگت ضلوعه الخيـول
بالســــــمه صوت الونين *** من اميــر المـؤمنين *** يا شـــــــبل فحل الفحول
حايره بحلگه الحـــــروف *** گطعت ابنه السيوف *** الحســــن مدري شيگول
نفســـم برب السمه *** يا ابن حامي الحمه
نلطم على *** دم كــربله
جاسم الليله انذبح
********************
رمله تحسب بالسـنين *** يا ابن ســبـط الامين *** جهــــزت ليك العروس
ما درت عمرك گصير *** بالحــرب خيل التغير *** نسـحگ وضلعك تدوس
رايده زفت شـــــــباب *** من بعد ضيم وعذاب *** ظنت تطــــــيب النفوس
تفرح بعرســــــك تريد *** عاينت لكـــــــن بعيد *** والجثث ما بيهـــا روس
ثكله بمصابك تون *** امك وسلها الحزن
تلطـــم صفت *** شمعه وطفت
جاسم الليله انذبح
********************
الحســــــن بالطف نشوف *** كسر بچفه السيوف *** هــــــــدم اوثان الطغاة
جـــــاسم ابــــن الخيرتين *** ناصر بدمه الحسين *** ليه ســـلام الله وصـلاة
وجهه چن شمس الصباح *** يا ذنب فوگ الرماح *** ما شــــــبع من الحياة
خضــــــــبت راسه الدماء *** هـــــذي زفة كربلاء *** صاحت امه وليدي مات
ما وصل حيدر خبر *** رمله مكسورة ظهر
صبري صعب *** ذاب الگـــــلب
جاسم الليله انذبح
********************
ارمله وتفگــــــد يتيم *** يا الهي شگد عظيم *** اوصف شلون المصاب
احسب ثواني السنين *** تكــــــبر وامك تعين *** لو صرت يوليدي شاب
ما درت عمــــك يريد *** جاسم يشوفك شهيد *** عنده مــــــن ربك كتاب
يا شــرف هذا الجزاء *** باسمك الليله العزاء *** والنخــــه باسمك يجاب
واقسم برب الصمد *** ذكــرك يفرج الشدد
ليك بحـزن *** نبقى نـون
جاسم الليله انذبح
********************
كربله ناحــــــت عليك *** كل ارضها تحب اديك *** يا إبـــــــن طهر وعفاف
ما ردت بـــــرداً سلام *** من ندب ليك الامــــام *** مــــــــن منيتك ما تخاف
ما صحت حملك ثگيل *** لا مشـــيت وبي تميل *** شــــــــالت جبال الچتاف
عفـيه متحمله العيون *** تعــــــمه والله وتهون *** خرسه ما تحچي الشفاف
من عرج طه وسرى *** عاين البلطـــف جرى
صاح الولي *** حــيدر علي
جاسم الليله انذبح
