انه زينب راح اودعك حل ضياعي انه زينب ارد اسمعك هالنواعي
بالسبي وأقره عزيه
وناگتي منبر اليه
____________
امس يحسين جنت الهاشمية ومن بعدك يسموني السبية
غريبة يا غريب الغاضرية الشمر يضربني ويجتف ادية
يحسين كوملي يحسين انظر اختك وين يا حبيبي
تحاجيك زينب تحاجيك راح اموت عليك من نحيبي
الحك عليه يغالي شافت الوادم خيالي
زينب زينب جتفوها وسلبوها وانت يمي
زينب زينب آ يخوية شتموها والزهرة امي
شلون تنسب الزجية وناكتي منبر اليه
_____
شحال الينفكد منها اخوها والذبحوا اهلها يسلبوهه
المثلي شلون يتشتم ابوها والاعجب بسوط يلوعوهه
يالدمك حجب عني جمالك تسمع صوتي وعتابي حلالك
يالوصيتني احرس عياالك انا بعيني لباريلك عيالك
اطفال شافت الاهوال تنجتف بحبال خوية خوية
مذبوح منحرك مذبوح نودعك ونروح يبن ابوية
وداعة الله راح اعوفك رايحة وما بعد اشوفك
زينب زينب الشمر صاح عالرمح لاح راس الحسين
زينب زينب امشي وياي ماكو حماي كافلج وين
اقرة باطوار الشجية وناكتي منبر الية
____
كطع حادينة ما ادري الدرب وين بكيت محيرة واصفج باليدين
صدك راح اوكف بديوان يحسين يخوية ويني ووين الدواوين
اصيح وشلت بيدي معصب الراس الضعن يهل الضعن يحدونه الارجاس
لاوين امشي عنكم تسأل الناس اخوج حسين وينة ووين عباس
عباس عتبي عالعباس خوية خدري انداس يا كفيلي
انخاك غيرة الله انخاك يالله شيل لواك واعتنيلي
رايتك يا كمر هاشم استر وجوه الفواطم
زينب زينب هالعقيلة عالهزيلة حاشا تقبل
زينب زينب تدي الضعون تطلع شلون بلاية محمل
ناعيتكم هاشمية وناكتي منبر الية
____
اويلي من الليالي الشيبتني نحت لمن بني مية ولتني
يخوية السوط لمن لاح متني صحت عباس منته الي جبتني
عفتني يا امل روحي وحياتي تركت فوك النحر كل ذكرياتي
صلاتي من جلوس امست صلاتي تطيح الدنيا لو طاحت عباتي
بيمناي استر بيمناي لاتشوف عداي دمعي يجري
ويلاه يا كمر ويلاه انا ستر الله وهوة ستري
من يطيح حجاب زينب يعني ستر الله تسلب
زينب زينب ودعتكم سامحتكم سامحوني
زينب زينب ردته موتي وية اخوتي الفاركوني
انعه وي سكنه ورقية وناكتي منبر اليه
