محتارة بامرها وينك يا قمرها
________
يا كمر عدنان يا من انت للعيلة حماها
اليلة غير الخوف والهم بعد ما واحد رعاها
يا كمر نار المخيم ترضى جف اختك طفاها
لو تصبر اهيه وتنتظر ما تحتمل مر الصبر
مو تعلم بسوط الشمر من غبت عنها ولاها
ماعرفوا قدرها وينك يا كمرها
________
واكفة بين الاعادي خوية وببين العقايل
واسمع اطفالي الحزينة تنحب وعنك تسايل
كربلا ولوعتهه ضمهه كلبي يا عباس شايل
ماعندي حامي ولا ولي وانا العقيلة بت علي
منهو الي يكفل محملي يالكلت انا كافل
يا روحي وذخرها وينك يا كمرها
_______
يالطحت عالنهر دامي حسين هم مثلك توذر
بس بقت هاي الفواطم بين خيل وبين عسكر
شوف تحت الخيل خوية جم طفل النه تعفر
ودمعتنه ظلت سايلة وينك يبن عقد الوله
مو تدري بهالعايلة انت لموصيك حيدر
والعيلة بيسرها وينك يا كمرها
______
لمن تعاتب سكينة اعلم يلوعك عتبها
حكها مو تدري بغيابك خوية جتالك سلبها
وعدك تتانيه يا من واعدت تروي كلبها
بنت الحسين مدلله واليوم حزنه ومعولة
ما بين شمر وحرمله شلون يا خوية تذبها
وتسلى بخدرها وينك يا كمرها
_____
صوتي بصوت اليتامه يرتفع ونصيح وينك
ما تشوف شصار بيه ادري والله يعينك
شلون بالله تشوف حالي والسهم نابت بعينك
من قلت الحيلة نعتب وعلى غيابك ننتحب
محد يذلنا وننسلب خوية لو سلمت يمينك
صاحت من قهرها وينك يا كمرها
_______
