صنية الفراخ بالكارى



نبدأ بأه بسم الله



المقادير:


فرخة

(مقطعة اربع ارباع)
(ممكن تحطي اوراك بس او صدور بس)
بس انا مابعرفش آكل غير الفراخ البلدي


1 بصلة كبيرة
(مقطعة مكعبات صغيرة)
1 طماطم كبيرة
(مقطعة مكعبات صغيرة)


ملعقة كبيرة كاري


ملعقة صغيرة ملح


نصف ملعقة صغيرة فلفل اسود مطحون


3 ورق لوري


3 حبهان


نصف ملعقة صغيرة شطة او هريسة شطة
(حسب الرغبة)

طبعا نراعي ان المقادير ديه لاربع قطع فراخ
(فرخة يعني)
يعني لو زودنا في قطع الفراخ
طبعا هنزود في مقادير التتبيلة


الطريقة:


من بالليل

تحطي قطع الفراخ في الصينية

و تغرزيها بالسكين علشان التتبيلة تتغلغل



وحطي عليها البصلة المكعبات و الطماطم المكعبات

و ورق اللوري و الحبهان

و الكاري و الملح و الفلفل



(ممكن اضافة ملعقة صلصة طماطم علشان يكون لون صوص الفراخ احمر)



و قلبيهم مع بعض كويس
خدي بالك ماحطناش اي دهون خاااالص

و مش هنحط


و غطيهم بورق فويل

و حطيهم في الثلاجة لتاني يوم لما يجي وقت الطبخ



و وقت الطبخ طلعيها من التلاجة بنفس الصينية و اللفة اللي بورق الفويل

و حطيها في فرن ساخن
(تكوني مسخناه من قبل كده)



بتاخد من ساعة الا ربع لساعة



بعد ساعة الاربع

اكشفي الورق الفويل علشان تشوفيها استوت ولا لاء



لو لقيتيها استوت سيبيها مكشوفة في الفرن شوي علشان وجهها يحمر

ممكن تحطيها دقيقتين تحت الشواية




ممكن تقدم في الصينية زي ماهي


و ممكن بعد ما تتحط تحت الشواية و تاخد لون نقدمها علي رز ابيض او ارز بالكاري

white-chicken

Moh.Galal

  • Currently 38/5 Stars.
  • 1 2 3 4 5
13 تصويتات / 644 مشاهدة
نشرت فى 14 مارس 2011 بواسطة white-chicken

ساحة النقاش

محمد جلال رمضان

white-chicken
محمد جلال رمضان اعمل كمحاسب »

ابحث

تسجيل الدخول

عدد زيارات الموقع

2,123,332

سنظل دائما في رباط

اتمني من الله العزيز الجبار ان تسير مصر للامام بشبابها ورجالها المخلصين وان نصبح واحدا مثلما كنا ولا املك حاليا سوي التمني بعد ان تركتها عن مضض ولكني سأعود لا محاله
 (محمد جلال)