بيني وبينك حب اكيد
عشق اكيد
كل ماناخد منه شويه
تلاقي بيزيد
عارفه حبيبتي الموضوع ايه
حرف حنان
مرة احسك حب تعقل
وياسلام لما بحسك
احساس بجنان
لما بشوفك رغم الغربة
بيت وكيان
لما ارجع المسروق مني
زي زمان
بيني وبينك
ساعات أحسه حس خيال
وساعات حرف اعجز اقوله
جوانا شيء صعب نقوله
نحسه ساعات
بيني وبينك الف ميعاد
احلي مشاعر بينا حبيبتي
لما نعيش مشاعربصمت
لما نقول كل اللي نحسه
بشرط نحسه سكات
بيني وبينك حب اكيد
اكدب يعني ولا اخبي
وازاي اكدب ولا اداري
قلبي عنيد
كل مااحسك شءجوايا
شوقي يعدي حدود الكون
عشق جنون
عنتر لما حس حبيبته
بقي مجنون
ااااه ياحبيبتي لمابحسك
بحبك اكتر
وأرجع احبك تاني وتاني
ارجع افكر
فايدة ايه تشرب قهوة
من غير سكر
ياسلام لما نعيش احساس
مش متعكر
بحبك ..ايوه بحبك
وانكر ليه
تسميه عشق
تسميه شوق
حتي لو كان حب اناني
هحبك تاني
وتاني وتاني
اصل شعوري زي ماهو
لاني بعيشك عالم تاني
ممكن اقولك حاجه حاسسها
نفسي احسك
بشرط يكون احساس جواني
انا علشانك
وانت عشاني
وهفضل احبك تاني وتاني
والله مااعرف
مين العاشق
مين معشوق
مين فينا المجني عليه
ومين فينا كان الجاني
احمدعبدالحق
