مكتوب
........
مكتوب ينقلب حالك
تكون ليلك وموالك
وتستنى يوم ترجع
تكيد بيها عُزالك
مكتوب
تندب على الغايب
مفيش حد يسمعلك
هتتحاسب وتتعاتب
فتحت باب ومش بابك
مكتوب
ترسم خطوط سوداء
على رمل في الصحراء
ومطره شربت ملامحها
أخدت رسمك وخطوطك
مكتوب
مكتوب لغيرها يهواك
ويشرب كاس ياما شربته
دا طبع الدنيا غلابه
وحبك لعبه في ايد غيرك
مكتوب
مكتوب تغني مواويل
وتنشد نغمه على وترك
يا راسم شجره وبتنزف
غرام الحزن مكتوبلك
ربيع عبد الظاهر
