بغيت نسامح

غادي ننسى لجراح

ونكَول ما كاين باس

نسامح كل الناس

للي عايش وللي راح

غادي نسامحك نت

ونت ونت ونتي

نخللي لحزان فراح

يصبحو عدياني خوتي

كَالو فالصلح الخير

غادي نزرع لكثير

ونفرش خدي حرير

فكل مسا وصباح

عطر لمحبة فاح

ما بقى كَلبي يقسى

بغيت صافي ننسى

نطوي الصفحة ونرتاح

غدا يوم جديد

كأنو نهار العيد

نغمض عيني ونصحا

يروح أثر الجرحة

بغيت نكَول للناس

مريضنا ما عندو باس

الكَلب القاسي رطاب

ومعاه رطاب الإحساس

أنا ما ناسيش الملحة

وبغيت الغمة تنزاح

فوق النخلة حلات البلحة

ولعسل من الشهدة ساح

ليوم فكَلبي فرحة

جرحي لقديم برا

وطفات ديك الجمرة

ونسيت سباب القرحة

غادي ننسى لجراح

ونكَول ما كاين باس

نسامح كل الناس

للي عايش وللي راح.

 

المصدر: http://www.almontada.ma
  • Currently 0/5 Stars.
  • 1 2 3 4 5
0 تصويتات / 76 مشاهدة
نشرت فى 20 إبريل 2015 بواسطة wa9i3-majala

الواقع بلمسة أدبية

wa9i3-majala
نرجو أن نكون عند حسن الظن دائما وأن يقدرنا الله عز وجل لتحقيق ما نأمله جميعا وبما يعود علينا جميعا بالفائدة. »

ابحث

تسجيل الدخول

عدد زيارات الموقع

46,132

فكر بغيرك



Large_1238440534