القلوب اللي تفجعات
إييه، الموت يا لموت
لك شحال من صورة
و ريحك خطيرة
من تجي، ايام الناس حاصدة
و كلوب الهل الفاقدة
يا صبارة ،، يا باكية بحرارة
كولو للميمات..
للي ولادهم مشات أو ما ولات
لرواح لمولاها رجعات
المصيبة كبيرة..هذي سنة الحياة
صبروا و عضوا في الصبر
وخا لكبدة مكوية بالقهر
الله في سماه يجبر لخواطر
يا أم إسترجعي وبلاها الحسرة
وليدك يكون شفيعك،
يوم تقلال فيه الهضرة
و إن لله وإنا إليه راجعون
الزجال: قعقاع جمي
