من حاا لحال
القلب اليوم حال وغدا أحوال
اليوم طير يرفرف
من شجرة لشجرة

وغدا حزين باكي
ومن الهم ما تقال
مرة مغوبش ما قاد على هدرة
ومرة ضاحك ناشط

قابض لحديث فلقيل و لقال

هاكدا هو لقلب
وسط الهدرة معذب
وبين الحباب غريب ومتغرب
وفأحوال هو وحدو ولكن فرحان
الناس ساكتين وهو يقلب على مايتقال
هذا هو القلب
من حال لحال
غضبان فرحان مقلق او زعفان
حتى حال ما يدوم على حالو
اليوم حال وغدا احوال.

حنان الفرجاني