الحمد لله رب الالعالمين والصلاه والسلام على اشرف المرسلين

امبارح اتكلمنا عن الطاقه واول طرق رافع الطاقه الجسمانيه

والنهارده هنكمل طرق رافع الطاقه الجسمانيه والعقليه والعاطفيه 

طب نراجع كده اللى احنا قولناه امبارح عن رفع الطاقه

قولنا اول طريقه هيا التنفس وقسمنا التنفس لنوعين هما التفريغى وتنفس شحن

الطاقه 

ولو عاوزين تعرفو اكتر اقرأو الجزء اللى فات

والنهارده هنكمل مع بعض طريقه رفع الطاقه الجسمانيه 

تانى حاجه لرفع الطاقه الجسمانيه هيا التغذيه

فيه مجموعه من العلماء فى جامعه هارفارد عملو بحث ولاقو ان 99.9% من

نظم التغذيه مبتجيبش نتيجه خصوصا الخاصه بالتخسيس 

تخسيس بالانجليزى معناه diet ولو جينا نحلل الكلمه دى هنلاقيها عباره عن

die or eat الاكل او الموت فلما الواحد بيعمل دايت عقله وجسمه بيتحدو

ضده وعشان كده بيجوع اسرع من العادى

عارفين ايهاهم عنصر فى جسم الانسان المياه بتشكل 80% من جسم الانسان

وعشان كده هيا اهم حاجه بالنسبه للأنسان فلازم اكتر حاجه تبقى تشرب ميه

كتير عشان تشحن طاقتك 

تعرفو ايه اللى بيخلى الانسان مكسل بعد الضهر وعاوز ينام ومش مركز 

الجفاف 

عارفين ايه تداعيات الجفاف على جسم الانسان

انا ذات نفسى مش عارف بس يحصل مصايب لو الانسان مشربش كميه الميه

الكافيه ليه فى اليوم وهيا تقريبا من لتر ونص للترين مع الاوزان العاديه

وعشان تعرف الكميه اللى جسمك

محتاجها

 http://www.lakii.com/vb/attachments/a-8/50773d1176051227-a-amount-water-drink.zip 

دى معادله عملها شويه علماء تدخل وزنك وهيطلعلك انتا محتاج كميه قد ايه

من الميه

تالت حاجه معانا عشان ترفع طاقتك الجسمانيه

الرياضه ودى مهمه جداً لكل واحد فينا

وللأسف الناس بتربط بين الرياضه والالم

وانا هقولكم على طريقه عشان تمارسو الرياضه بشكل فعال 

اول حاجه تشترك فى نادى من الانديه اللى بيهتمو بالصحه 

وتصاحب ناس مهتمين برياضتهم

وتبدأ يومك بتمارين التنفس اللى قولناها قبل كده

وتخلى للمشى نصيب فى يومك لا يقل عن 15 دقيقه 

وتقدر تعمل تمارينك الرياضيه قدام التلفزيون حتى 

طبعاً اذا كان جسمك خالى من الامراض

ولو كان جسمك فيه امراض معينه استشير الدكتور قبل ما تعمل حاجه

نيجى بقا لأزاى ترفع الطاقه العقليه

لما بيكون عندك هدف محدد حماستك بتكون عاليه جداً عشان توصل للهدف دا

فبكده تحديد الاهداف طريقه ممتازه لتجديد طاقتك العقليه 

ابدأ اكتب اهدافك 

وأكد لنفسك انك تقدر تحقق اهدافك 

واقتنع بأنك تقدر

وبكده توصل بعقلك لأقصى طاقه ممكنه

اما بقا الطاقه العاطفيه : فـ دى سهل جداً ترفعها وبأنك تمارس انواع

الرياضات الهاديه زى اليوجا او التاى تشى او حتى ممكن تقعد مع نفسك فى

مكان هادى وتتخلى عن كل افكارك وتعركز فى تنفسك وتنفسك بس

ودى طريقه فعاله جداً

وعندى بقا طريقه لرفع كل الطاقات دى 

1-التنفس : اعمل التنفس التفريغى وتنفس شحن الطاقه 3 مرات فى اليوم لكل

واحد فيهم 

2-تمارين صباحيه : ابدأ يومك بفرد جسمك او المشى او اى رياضه تانيه

المهم انك متخليش حياتك بدون رياضه

3-عادات الاكل : هوا مفيش نظام اكل واحد ينفع لكل الناس وانتا اكتر واحد

يكون عارف هوا محتاج ايه فأبتكر لنفسك نظام اكل 

4-تجنب الجفاف : اشرب ومتخليش جسمك يوصل لدرجه العطش لأن العطش

علامه على الجفاف 

4-التأكيدات : اكد لنفسك انك تقدر تعمل اللى انتا عاوزه وصدق نفسك

وساعتها محدش هيقدر يوقف مسيره احلامك 

********استنونا بكره الساعه 11.45 هنعرف مع بعض تالت مفتاح من مفاتيح النجاح انتظرونا